હાટકેશ-અંબિકાધામના પ્રથમ માળે દેવાધિદેવ હાટકેશ દાદા (મહાદેવજી) માતા પાર્વતી, હનુમાનદાદા, ગણપતિદાદા, પોઢીયાદેવ, વરૂણદેવ, યમદેવ તથા કુબેરદેવની પ્રાણ પ્રતિષ્ઠા તા.૨૦/૦૮/૨૦૧૭ ના શુભ દિવસે કરવામાં આવેલ છે.

પ્રાણ-પ્રતિષ્ઠાના શુભ દિવસે ધોધમાર વરસાદ પડેલો અને શિવલીંગ ઉપર તે વરસાદી પાણીથી જળાભિષેક થયેલ. હાજર તમામ ભકતો આ અલૌકિક દ્રશ્ય જોઇને ભાવ વિભોર થઇ ગયેલ. આમ, મહાદેવજીની સાથે સાથે માતા ગંગાજીનું અવતરણ થયેલ તેમ કહેવું અતિશયોકિત ભરેલ નથી.

શિવલીંગ ઉપર અભિષેક કરેલ દરેક પ્રવાહી જેવી કે પાણી, ગંગાજળ, દુધ, દહી, મધ વગેરે સીધુ પાતાળમાં વિલીન થઇ જાય તેવી વ્યવસ્થા કરેલ છે. જેથી પવિત્રતા જળવાય અને હકારાત્મક ઉર્જાનો ભકતોને લાભ મળી શકે.